नेपाली हास्यव्यङ्ग्य अनलाइन पत्रिका

फूल जस्तो कठोर हुन्न घोचाई काँडाको ।
आफ्नै ठानी नजिकिएँ सोच्यौ टाढाको ।

धेरै बाठो भएरनै बाँदर बनेपछि,
यो जमाना हैन भन्छौ लाटागाँडाको ।

अभिमानले स्वाभिमानको राज्य खोसेपछि,
रानी छँदै राजाको मन भयो राँडाको ।

डाँडै टेकी शिखर बन्छौ माथि उठ भन्छौ,
तिम्रो जस्तो हैसियत त छैन डाँडाको ।

पैल्यैदेखि झुक्याकाछौ भान्से तिमीले,
भरोसा चै छैन अझै चुँइने भाँडाको ।
भारपा ८, पाँचथर