नेपाली हास्यव्यङ्ग्य अनलाइन पत्रिका

कैले वार्ता भातभान्सा कैले चिया खाजा,
कैले वार्ता खोया बिर्के, कैले पेडा ताजा,
सय दिन नगाएर, निर्धा गर्ने लडाइँ,
मान्छे मर्ने, सिमानामा दिल्ली गर्ने बढाइँ ।।

सार्वभौम नागरिक, नुनतेल मारामार,
कालो धन्दा फस्टाएर जन्ता मुर्गा पार,
सरकार भन्ने अर्को यौटा भ्रमकेन्द्र रैछ
घरी घुर्छ, घरी उङ्छ, तिन्लाई मस्ती नै छ ।।

धेरैलाई दुख भा नि नेता भत्ता मस्ती,
घर पोल्दै टीका लाउने हेर देशका हस्ती,
देश टाट पल्टाएर मस्ती गर गर,
दिल्ली दौडी मोदीजीलाई छिटो स्वस्ती गर ।।

काठमाडौं