नेपाली हास्यव्यङ्ग्य अनलाइन पत्रिका

दिँदैन इन्धन, बिजुली न पानी,
छ दुष्ट पारा पनि जानी जानी,
कालाबजारीहरू रे इमानी,
जन्ताजनार्दन कति बेइमानी ??

छ सास्ती पूरा भनिँदो सुशासन,
अक्कास छानो, धरती छ आसन,
तथापि यो राष्ट्र निमित्त त्याग,
भनेर भन्छौँ त कता छ लाज ?

जुकोसरी भै चुसी मात्र राख्छौ,
विदेशी शक्तितिर भाव राख्छौ,
के हो कसो हो बुझिएन चाला,
यो लोकतन्त्रे गजबै छ भाला ।।

यो दुख के खान दिइरहन्छौ ?
केलाई कर मात्र कुम्ल्याइहिन्छौ ?
लुटेर खानु पनि राज्य हुन्छ ?
ए राज्य ! अस्तित्व कहाँ छ भन् त ?

काठमाडौं