सुनिता सापकोटाउखर्माउलो
कसैलाई उमेर बढेर उखर्माउलो
कै कै लाई चै बैँस चढेर उखर्माउलो ।
दुई बित्ताको हिल लगाउन थालेपछि
हिँड्न नजानेर फेरि लडेर उखर्माउलो ।
ध्यान कता केमा हुन्छ पत्तो छैन हजुर
खाना बनाउँदा नि डढेर उखर्माउलो ।
अहँ प्रेम जोडीका कुरा गरिसाध्य छैन
बिरामी हुन्छन् याद गढेर उखर्माउलो ।
बा आमा छोराछोरी पढ्दैनन् भन्छन् प्रायः
के था, भा फेसबुक पढेर उखर्माउलो ।
भोजपुर, चरम्बी
हाल : काठमाडौं
Subscribe
Login
0 Comments
Oldest
