नेपाली हास्यव्यङ्ग्य अनलाइन पत्रिका

सुनिश्चित यात्राको कुनै लक्ष भएन
घरिघरि ड्यास दिने विपक्ष भएन ।

जो पनि लोभिन्छ है त्यसै ठाउँमा
आफ्नो जीउडाल अनि वक्ष भएन ।

एउटा सुइरो किन्दे भन्थी परकीले
त्यति पनि धनाढ्यको गच्छे भएन ।

तिरेकै छु इज्जेतको भाडा निरन्तर
कहिल्यै पनि हिसाब फच्चे भएन ।

गाईलाई नुहाउँदा गधा किन हुन्थ्यो
पानीको त्यो भ्यागुतो मच्छे भएन ।

गरुडको सुकिलो छायाँ परेपछि
मृग उचाल्ने कुकुर त्यो दक्ष भएन ।

तनहुँ