पुरूषाेत्तम सिग्देलमाग्ने कुरा
हो माग्नेले अलिकती मद्दत माग्यो
पैले मुटु माग्यो पछी रगत माग्यो ।
कति लाचार छ यो देशको कानुन
हेर्नुहोस्, अदालतले हिफाजत माग्यो ।
कृतिम रहेछन् रहरहरू मेरा पनि
मृत यो जिन्दगीको सनाखत माग्यो ।
दुनियाँ साँच्चै परिवर्तन भएको रहेछ
छोराले बासित ढोग दण्डवत माग्यो ।
जस्लाई मन मुटु दिएँ आफ्नै सम्झी
सम्पति र इज्जतसँग सहमत माग्यो ।
झापा, बिर्तामोड
हाल : इजरायल
Subscribe
Login
0 Comments
Oldest
