मरुभूमि नारायणफरक
तिम्रो मेरो शरीरको पाटै फरक छ
तिमी र म हिड्ने बाटै फरक छ ।
तिमी बस्ने चिल्ला अग्ला महलमा
म झुप्रोमा बस्ने माटै फरक छ ।
तिमी सुत्छ्यौ विदेशी विछ्यौनामा
म गुन्द्रीमा सुत्ने खाटै फरक छ ।
कताको तिम्रो पचासी व्यञ्जन
मैले खाने मकैको आँटै फरक छ ।
शायद तिमी गाडिन्छ्यौ होला
म जल्छु हाम्रो घाटै फरक छ ।
कताकी तिमी जून म माटोको धूलो
धोएर हेर शरीरको टाटै फरक छ ।
तनहुँ
Subscribe
Login
0 Comments
Oldest
