रामशरण गैरेपारा पुरानै
लोकतन्त्र र जनमुक्तिका नारा पुरानै ।
जुन दल यहाँ आए पनि पारा पुरानै ।।
कागजमै सिमीत रहे खोक्रा अश्वासन ।
सबै व्यवस्था यहाँ गरिबमारा पुरानै ।।
आश छैन जनताको केही अब कसैसँग ।
सबले नाम फेरी फेरी खाने चारा पुरानै ।।
गफहरू हाँकिन्छ देश युरोप बनाउने ।
बाटो, घाटो, गल्ली अनि धारा पुरानै ।।
महँगी र भ्रष्टाचारले ढाड सेकेकै छ ।
भन्ने क्रान्तिकारी बाँकी सारा पुरानै ।।
चित्रवन– ६, चितवन
Subscribe
Login
0 Comments
Oldest
