पुरूषाेत्तम सिग्देलभैरेकी बुढीको रिस
भो भो दिउँसै रक्सी धोक्ने पति चाहिँदैन
रक्सी धोकी बुढी कुट्ने असत्ती चाहिंदैन !!
एउटा सिन्को भाँच्नु छैन फुटानी नै ठुला
नगर भो ट्वारट्वार अझै गलफती चाहिँदैन !!
जून तारा झार्छु भन्दै नलाग भो पछि
बोडी टिप्न नसक्नेको पिरती चाहिँदैन !!
गोर्खाली हुँं भन्दै हिंड्छौ छाती फुलाएर
जुवातासले भा’को तिम्रो प्रगति चाहिँदैन !!
सडकैमा सुत्दै हिंड्छौ सुरुवाल् भिजाएर
तिमी जस्ता नाथे बेइज्जती चाहिंदैन !!
झापा, हाल : इजराइल
Subscribe
Login
0 Comments
Oldest
