नेपाली हास्यव्यङ्ग्य अनलाइन पत्रिका

सधैं साथमा देख्छु अचेल, ठूली कहिले सानी
धेरै गलफ्रेन्ड बनाएछौ केटी छानी– छानी ।

सधैं डेटिङ जान्छौ अरे दायाँ बायाँ सँगै राखी
बानी रैछ जोसँग नि वाचा कसम खानी ।

हिजो देखेँ अर्कैसँग, आज फेरि अर्कै
दोबाटोमा भेट्नेलाई नि घुमाउन लानी ।

राम्री त देख्नै हुन्न आफ्नी बनाइ हाल्छौ
हाँसी हाँसी फसाइदिने कस्तो तिम्रो बानी ।

रङ नम्बर पर्नेलाई नि साइनो लगाइदिन्छौ
मुखले ठिक्क पार्छौ कति लेघ्रो तानी तानी ।

एउटा जोवन चारैतिर कति लाउँछौ नजर
धोकेवाजले जस्लाई पनि देख्छ मनकी रानी ।

ताहाचल, काठमाडौं