नेपाली हास्यव्यङ्ग्य अनलाइन पत्रिका

ज्यान हेर्दा हात्ती जस्तो मानापाथी खाने
पाल्न गाह्रो कोहि छ कि मेरो स्वास्नी लाने

बोली पनि ठुलो चर्को कानै थुन्नुपर्ने
नचाहिँदो कुरा पनि सँधै सुन्नुपर्ने

आफ्नो ज्यान मुसाजस्तो उसको हेर्‍यो हात्ती
कतै सँगै देख्यो भने जिस्काउँछन् साथी

देवीलाई झैँ पुज्नुपर्छ भन्छन अरु नारी
मलाई भने यही नारी किन होला भारी

टिकै लाएर जिम्मा लाउँथे साने होस् कि काने
पाल्न गाह्रो कोहि छ कि, मेरी स्वास्नी लाने ?

०००
काभ्रे