आत्माराम न्यौपानेबहुलाउन थालेको रहेछु
जुन दिन मान्छेहरूले मलाई - तँ विद्वान् छस् भने खासमा त्यही दिनदेखि म बहुलाउन थालेको रहेछु । प्रेममा अन्धो भइसकेपछि मलाई के दिन के रात उनलाई अर्कैसँग भाग्न रातमा लालटिन बालेको रहेछु ।
आत्माराम न्याैपाने :
अहिले थाहा भयो मैले हार्ने दाउ चालेको रहेछु
आमालाई सुरक्षा दिन सर्पजस्तो बाउ पालेको रहेछु ।
जुन दिन मान्छेहरूले मलाई – तँ विद्वान् छस् भने
खासमा त्यही दिनदेखि म बहुलाउन थालेको रहेछु ।
प्रेममा अन्धो भइसकेपछि मलाई के दिन के रात
उनलाई अर्कैसँग भाग्न रातमा लालटिन बालेको रहेछु ।
उनले मलाई प्रेम गरे पनि ठिक, नगरे पनि ठिक भन्दै
दिनैपिच्छे फाट्ने यो मन हजारौँपटक टालेको रहेछु ।
सुन शुद्ध बनाउन पगाल्नुपर्छ भन्ने सुनाएकी थिइन्
म मैन हो भन्ने बिर्सिएर आफैँलाई पगालेको रहेछु ।
०००
काठमाडाैं
Subscribe
Login
0 Comments
Oldest
