मरुभूमि नारायणअल्छीकै मुखमा मीठो फल
राष्ट्रमा विकास गर्न दल चाहिन्छ
अँधेरो काममा पनि बल चाहिन्छ ।
अलिकति केही गर्छु भन्नु हुन्छ भने
सोर्स फोर्स फाइफुइँ छल चाहिन्छ ।
सुगन्ध के हो भनी चिन्न खोज्छौ भने
घरको छेउमा फुटेको ढल चाहिन्छ ।
गरेर राम्रो काम पत्रकार सम्मेलनमा
नाक छोप्न अनिवार्य सल चाहिन्छ ।
खानु छ जुनीभरि अरूकै भर परी
अल्छीकै मुखमा मीठो फल चाहिन्छ ।
कुटिदैन बाबु हो हातको भरमा धान
यथार्थमा मुशललाई ओखल चाहिन्छ ।
तनहुँ
Subscribe
Login
0 Comments
Oldest
