नेपाली हास्यव्यङ्ग्य अनलाइन पत्रिका

भिसा हो कि दसा हो यो अरे अमेरिका !
भोग्नेहरू किन जिल्ल परे अमेरिका ?

सोचेजस्तो पक्कै पनि छैन तेरो रुप
सन्सारले किन डिभी भरे अमेरिका ?

किन यति मूर्ख भए सारा मान्छेहरु ?
के पाउन पातालमा झरे अमेरिका ?

रुखभरी लटरम्मै फल्छ के त डलर ?
यस्तै यस्तै अनुमान छ रे अमेरिका

जे भनिन्छ त्यो हुँदैन पापी दुनियाँमा
यति विश्वास तैंले पनि गरे अमेरिका

बाँदरको शिकार झैं भयो धेरैलाई
धेरैले त आँसुनदी तरे अमेरिका

रुप सार छत्तीस हो तेरो भूगोलमा
किन फुर्ति लगाउनु हरे अमेरिका !

चितवन