नेपाली हास्यव्यङ्ग्य अनलाइन पत्रिका

१. डरलाग्दी

मनलाग्दीलाई मनलग्दी भनेँ
घिनलाग्दीलाई घिनलाग्दी भनेँ
हो ऊ जस्ती थिई त्यस्तै भनेँ
देख्दै डरलग्दीलाई डरलाग्दी भनेँ ।

२. अर्थमन्त्रीको वक्तव्य

हामी आर्थिकरूपले सक्षम हुन थलेका छौँ
आजसम्म नछोएको उचाइ छुन लागेका छौ
युवाहरू मात्र विदेश पठाउँदा अलि गाह्रो थियो
अब डराउनु पर्दैन युवती पनि पठाउ थालेका छौँ ।

३. प्रगति विवरण

सोझा फकाउँछौँ, बाठा ठटाउँछौँ
विरोध गर्नेलाई माटो चटाउँछौँ
यहाँ शिक्षाको के काम दाम चाहिउको छ
र त युवाशान्ति जति विदेश पठाउँछौँ ।

४. हामी वीर

हामी साँच्चैका वीर छौँ
वीर भएकैले खुकुरी भिर्छौँ
सचेत पनि छौँ–आफ्नैले विगार्छ
र त अरु छोड्छौँ आफ्नैलाई गिँड्छौ ।

पाँचथर, हाल काठमाडौं