नेपाली हास्यव्यङ्ग्य अनलाइन पत्रिका

पुण्यमाता र सूर्यनाथ लुइटेलका सुपुत्र डा. रमेश शुभेच्छु २०३६ वैशाख १ गते सुभाङ, पाँचथरमा जन्मिनुभएको हो । विद्यावारिधि प्राप्त शुभेच्छु प्राध्यापन तथा साहित्यिक पत्रकारितामा आबद्ध हुनुहुन्छ र हाल काठमाडौं बस्नुहुन्छ । ‘लाहुरबाट’ शीर्षकको लघुनाटक मञ्चनपछि नेपाली कला, साहित्यमा प्रवेश गर्नुभएका शुभेच्छुको पहिलो कृति ‘आँसु नदेऊ मलाई’ (२०५७) गजलसङ्ग्रह रहेको छ । यसैगरी उहाँका गजलसङ्ग्रह, काव्य पुस्तक, बाल उपन्यास गरी दर्जन भन्दा बढी कृतिहरू प्रकाशित छन् । शुभेच्छुबाट ‘दैवज्ञराज न्यौपाने : जीवनी, कृतित्व र अभिनन्दन’ (२०६६) समालोचनासङ्ग्रह तथा ‘भानु’, ‘सामना’ ‘नवरत्न’ लगायत दर्जन पुस्तक तथा पत्रिकाहरूको सम्पादित भएका छन् । संपर्क : ९८४१४५३१३९