नेपाली हास्यव्यङ्ग्य अनलाइन पत्रिका

अघाउँदा गुदी फाल्यो, भोकमा रुन्छ बोक्रो देख्दा
ठुलो देख्यो बेलुन् रोज्यो, पछुतायो खोक्रो देख्दा ।

मैं हुँ भन्दै, फुर्ति लाउँथ्यो, बोल्थ्यो गर्धन् फुलाएर
कुन्नि कल्ले भकुरेछ, था भैगो नि घोक्रो देख्दा ।

मृग मार्यो हरिण मार्यो, जब आयो सिंह सामु
हंशले ठाउँ छोड्यो अरे, रित्तिएको ठोक्रो देख्दा ।

बाउका पालाँ चोटा कोठा, भकारीले ढाक्या हुन्थ्यो
सोच्यो आज चामल किन्दा, दश किलाको धोक्रो देख्दा ।

बिहे गर्न ठूलो पल्ट्यो, आज थुक निल्दो रैछ
हाहा बाबु हाहा चरी, हल्लाएको कोक्रो देख्दा ।

नाङ्लेभारे– ५, काठमाडौं
हाल : युएइ दुबई