नेपाली हास्यव्यङ्ग्य अनलाइन पत्रिका

खास जान्नुपर्दैन रे, जान्ने हुनलाई !
गुरुमन्त्र सिकाउने दाजी भट्टराई !

बोले मेरा पिताजीले,कुरा बुझ्नू छोरा !
फुर्ति लाउन जाने पुग्छ मन्चमाथि आई !

लाटो देशमा गाँडो पनि जवान झिल्के हुन्छ !
हाँक्नू गुड्डी, दिनू गफ, अरू भैंसी गाई !

झारपात दुनियाँमा केही मात्र हीरा !
लतारेर लगे हुन्छ भारेभुरे भाइ !!

कस्ता कस्ता अभियन्ता नायक नायिका छन् !
सत्तासीन कस्ता उल्लू, बसे भत्ता खाई !

आधा काम व्यक्तित्वको, आधा फाइफुट्टी !
बोल्नू मिठो,मख्ख सारा खुशी गढीमाई !

प्रज्ञा भन्ने कुरा छोरा सगरमाथा पो हो !
त्यसै हुन्छ कलाकार गुलाफ जूही जाही ?

चितवन