नेपाली हास्यव्यङ्ग्य अनलाइन पत्रिका

अचम्म छ नेपालमा लाश पनि जाग्न सक्छ ।
फुत्त निस्की चिताबाट अधिकार माग्न सक्छ ॥

मरे पछि व्युँतिएको भूत हो कि पिचास हो ।
होसियार हुनुहोस् है छलीवरी भाग्न सक्छ ॥

मरेकालाई बँचाउने तन्त्र फेरि चल्न थाल्यो ।
मसानघाटबाट फर्केकाले सीमा नाघ्न सक्छ ॥

मसानको साधनामा खप्पिस हुन्छन् भैयाहरू ।
जादु गरी नेपालका जनतालाई दाग्न सक्छ ॥

पत्याउनुहुन्न होला यस्तो पनि हुन्छ कतै ।
थाहा नपाउँदासम्म अविश्वास लाग्न सक्छ ॥

०००
गुल्मी