होम सुवेदीधुपौरे तिनैले गरे सर्वनाश
खजन्तीहरूबाट चल्छस् घडीझैँ जुठो भात खान्छस् कि खान्छस् तँ घाँस ।। तँजस्तो हरामी मुखाले र दुर्छे कहाँ सक्तथिस् गर्न त्याे आठ पास ?
हाेम सुवेदी :
तँ बाँचेर केही कतै छैन आस
तँ भाते मरे देशले फेर्छ सास ।।
लगाएर घेरो तँ बस्छस् भरौटे
धुपौरे तिनैले गरे सर्वनाश ।।
तँ गन्धे तँ पापी कुलाङ्गार तेराे
छिटै होस् नफिर्ने गरी नर्कवास ।।
न छन् योग्यता वा न भाँती छ बोल्ने
कुरौटे महादुष्टको हाेस् तँ दास ।।
खजन्तीहरूबाट चल्छस् घडीझैँ
जुठो भात खान्छस् कि खान्छस् तँ घाँस ।।
तँजस्तो हरामी मुखाले र दुर्छे
कहाँ सक्तथिस् गर्न त्याे आठ पास ?
०००
भद्रपुर, झापा
Subscribe
Login
0 Comments
Oldest
