चिरञ्जीवी दाहालतीन ठोक्तक
१
जमानामा जन्तेबाख्रो, अचेल दर खाएपछि
भोकाएको बाँदरले, पाकेको बर खाएपछि
त्यसपछिको गतिविधि, हेर्न मात्र सक्नु पर्छ
रमिता पो हुनथाल्यो, सत्ताको तर खाएपछि ।
२
धुलोचटाइ पूर्वजहरू, फर्के नालापानीदेखि
हामी पुच्छर लुकाइ फर्क्याैं, कालापानीदेखि
सादा पाना कागज हेर्दै, ताली ठोक्ने हामी नै हौं
पारो तात्छ बिना बादल, बर्सिएको पानीदेखि ।
३
सुने जस्तै स्वर्ग लोक, निकै असल होला
स्वर्ग नर्क दुबै नामको, ठूलो पसल होला
भ्रष्टाचारी बेईमानलाई, बेचिएला घाँस
इमानदारका लागि भने, अमृत फसल होला ।
०००
चितवन
