नेपाली हास्यव्यङ्ग्य अनलाइन पत्रिका

१.
जिताऊ न जीवन
कति थिचिनु हारले ?
गिज्याइरह्यो संसारले !

२.
कर्तव्य धान्छ धर्म
कर्ममा फुल्छ जीवन
संवेदनामा बाँच्छ मान्छे ।

३.
जिउनु छ जीवन
स्वाद दिँदैन सहारा
सङ्घर्ष हो शिर उचाल्ने !

४.
आफ्नै घाउ गहिरो
स्वार्थलिप्त छ कर्तव्य
घाइते भयो संवेदना !

५
फुल्नुपर्छ जीवन
उठ्नुपर्छ नि सखारै
उज्यालो देख्दैन निद्रा !

६.
नसुन्ने जनादेश ?
सकुनि-सकुनि भीड
बहुलठ्ठी भँडुवा खेल !

७.
बोल्छ, बोलिरहन्छ
श्रम इज्जत इमान
देश बनाउने रहर !

०००
पर्वत, हाल काठमाडौं