नेपाली हास्यव्यङ्ग्य अनलाइन पत्रिका

१.
हराए नि सत्पात्र !
होड छ खलहरूको
ऊ ! सबै उस्तै कानचिरा !!

२.
यी फूल टिप्ने हात
कसले उखेल्छ झार ?
यहाँ खानकै छ हतार !

३.
फुल्दैन सुनगाभा
डेरा सर्‍यो स्वाधीनता
स्वार्थलिप्त नव चिन्तन ?

४.
डुलिराछ सिरेटो
मलीन छ फूलबारी
खै ! कता छ हाम्रो वसन्त ?

५.
जीवनको यो नाता
हुर्कंदै सिर्जना बिज
साइनो हो कर्म सौर्न्दर्य !

६.
भत्के ऐन-नियम
वास खोज्दै कर्मयोग
अग्लियो बेथितिको थुप्रो !

७.
बुद्ध माग्दैनन् युद्ध
माटो रोज्दैन विलास
स्वार्थ बनाउँदैन देश !

०००
पर्वत, हाल-काठमाडौं