निर्वाचन प्रचार सामाग्री

पाँच ठोक्तक

नाम तथा बदनाम धुवाँ बराबर रहेछ मित्र ! धुवाँ त यज्ञ गरे नि आउँछ, टायर जले नि आउँछ ।

१.
अनाचारी प्रवृत्तिको दूरदर्शी मित्र हुँदैन
कर्मठ राजनेताको दोधारे चरित्र हुँदैन
पारदर्शीतानै व्यवहार कौशल हो नेताजी !
जिम्मेवार राजनीति कालो पर्दाभित्र हुँदैन ।

२.
यहाँ जन आवाज नयाँ चलन चले नि आउँछ
सहयात्रीलाई बिच बाटोमा छले नि आउँछ
नाम तथा बदनाम धुवाँ बराबर रहेछ मित्र !
धुवाँ त यज्ञ गरे नि आउँछ, टायर जले नि आउँछ ।

३.
जनमत लहर हो आउन जान सक्छ
उस्तै परे कुनै पुरानो नेता खान सक्छ
युवा शक्तिको सही प्रयोग भयो भने त
विकसित नयाँ गोरेटोतिर लान सक्छ ।

४.
गतिशील छ, न रोकिन्छ, न पर्खिन्छ
न कुनै छुटेको वस्तु लिन फर्किन्छ
जति शक्तिशाली भए पनि समय
महत्व नबुझ्नेसँग भने तर्किन्छ ।


कसैलाई चारैतिर सत्रै सत्र छ
कसैसँग जन्मजात अधिपत्र छ
छ, सबै कुरा छ, के छैन ? तर यहाँ
सामाजिक उपक्रम अलपत्र छ ।

०००
पोखरा-१०
हाल- ओहायो, संयुक्त राज्य अमेरिका

निर्वाचन सचेतना
फित्काैलीको सूचना
बागमती प्रदेश सञ्चार कार्यालय लामो
परिहास्यपू्र्ण ६ ठोकान

परिहास्यपू्र्ण ६ ठोकान

तीर्थराज अधिकारी
पाँच हाइकु

पाँच हाइकु

दिल पाैडेल
तीन ठोक्तक

तीन ठोक्तक

चिरञ्जीवी दाहाल
पाँच हाइकु

पाँच हाइकु

दिल पाैडेल
तीन ठोक्तक

तीन ठोक्तक

विवेक रिजाल
साइनोका सात फाँकी

साइनोका सात फाँकी

छायादत्त न्यौपाने ‘बगर’
चार ठोक्तक

चार ठोक्तक

भोलानाथ सुबेदी