साइनोका सात फाँकी
अहङ्कारीको भीड कपटीको बोलबाला ठग-स्वार्थीको होडबाजी !
१.
पुरुषार्थी नेपाली
जीवन सिँगार्छ कामी
शिर उचाल है इमानी !
२.
बाँचे भइन्छ भेट
कर्म उभ्याउँछ शिर
जाँगर भरिदिन्छ पेट !
३.
किन्न पाइहालिन्छ
नखनौं करेसाबारी
उचालौं सारी पुगौं खाडी ?
४.
खै कहाँ बस्यो थिति ?
यी उस्तै छ भाँडभैलो !
हाड तानिराछ सडक !!
५.
अहङ्कारीको भीड
कपटीको बोलबाला
ठग-स्वार्थीको होडबाजी !
६.
पुर्नुपर्छ खाडल
फक्रिदेऊ प्रिय फूल
मुस्कुराउँछ नि जीवन ।
७.
निरन्तर साइनो
नेपाली साख साइनो
मौलिक सिर्जना साइनो !
०००
पर्वत, हाल काठमाडौं