रुद्र ज्ञवालीतीन ठोक्तक
देवतै देवताको मुलुक हुन्थ्यो होला मेरो देश पनि स्याल हुइँया कराउँदैमा फ्याउरा देवता हुने भए त ।
१.
फ्रीज नहुनेले ताजा तर हुनेले बासी खान्छ
हार खान्छ हरूवाले बिजेताले बाजी खान्छ
लाटो भएर पनि दूध खान्छ भैँसीको पाडोले
कौवा जति नै चलाख भए पनि आची खान्छ ।
२.
कस्तो स्वाद हुँदो रहेछ खाएर भन्नू होला
सजिन्छ अथवा सजिदैन दाएर भन्नू होला
एक्पल्ट विश्व गाली प्रतियोगिता भै जावस्
नेपालीले जितेनछन् भने आएर भन्नू होला ।
३.
शिखर र मैदानमा समानता समता हुने भए त
पानीसङ्ग चामल मिलाउँदैमा अक्षता हुने भए त
देवतै देवताको मुलुक हुन्थ्यो होला मेरो देश पनि
स्याल हुइँया कराउँदैमा फ्याउरा देवता हुने भए त ।
०००
गुल्मी
Subscribe
Login
0 Comments
Oldest
