नेपाली हास्यव्यङ्ग्य अनलाइन पत्रिका

१.
शान्ति समाजमा अशान्ति बढाउन थाल्छ
धार्मिक सहनशीलता भँडाउन थाल्छ
मूर्ख मनुस्य चुचुरोमा पुग्यो भने कतै
माथिबाटै ढुङ्गामुढा लडाउन थाल्छ ।

२.
हरुवा मार्के गोरुले तिखा तिखा सिङ हालेछन्
पसल बन्द गराएर दाल चामलमा हिङ हालेछन्
खल्लो भयो अहिलेको दसैं-तिहार, हाम्रा सिकर्मीहरूले
विवश भै भिरको छेउमै लगेर रोटे पिङ हालेछन् ।

३.
कि त कपाल नै काटिदिनोस्
कि लवेदा सुरुवाल छाँटिदिनोस्
बेकार किन बगलीमा कैंची लुकाउनु हुन्छ ?
सोझा मान्छेलाई कदापि नढाँटीदिनोस् ।

०००
पोखरा-१०, हाल संयुक्त राज्य अमेरिका