लक्ष्मण नेवटियातीन कटोक्ति
जनताको जिम्मा, ठटाउन उही एक थाल, कहिले दालमा कालो, कहिले कालोमा दाल, दिनहुँको देखेर “खारेजी” र “बहाल” जनता बेहाल ।
१.
कानुनी भाषामा,
लागेको यो कस्तो,
शब्दरोग छ ।
जहाँ “कर्तव्य” गरी हत्या,
करणी “उद्योग” छ ।
२.
पहिले उनीसँग उनी,
पछि उनीसँग उनी,
जब उनी जाने भएर,
बहाल हुने भए उनी ।
अब किन रिसाए उनी,
जगाएर धुनी,
खै के हो कुनी ?
३.
कहिले खुसीमा,
कहिले उदासीमा,
नित नयाँ कमाल ।
जनताको जिम्मा,
ठटाउन उही एक थाल,
कहिले दालमा कालो,
कहिले कालोमा दाल,
दिनहुँको देखेर
“खारेजी” र “बहाल”
जनता बेहाल ।
०००
विराटनगर
Subscribe
Login
0 Comments
Oldest
