नेपाली हास्यव्यङ्ग्य अनलाइन पत्रिका

ओम आचार्य :

हुर्रा जात्रा, मुर्रा जात्रा, छ्याप्ने अलकत्रा
रोप्ने जात्रा, छोप्ने जात्रा, देखाउने कत्रा
गुटुमुटु सुटुसुटु चुटुचुटु भइरहँदा यहाँ
हेप्न थाले दायाँ बायाँ आँखा गुच्चा जत्रा।

आशा पनि दुब्लाएर मासा हुन थाल्यो
शुरु शुरु भन्थे सबै खासा हुन थाल्यो
चाल ढाल बाल हर्ष उफ्रिपाफ्री साँडे
तल माथि हमलाले तमासा हुन थाल्यो।

नुन नआउने ढोकाबाट सुन टनाटन
भागबन्डा नमिलेर भयो भनाभन
माथि छोप्दा तल ह्वाङ्ग दुला कति कति
टन सुन साठी भयो, पग्ल्यो दनादन ।

०००
काठमाडौं ।