नेपाली हास्यव्यङ्ग्य अनलाइन पत्रिका

हरिप्रसाद पौड्याल :

१.
विशाल हृदय भएको इमानदार मान्छेलाई
कर्तव्यबोधले थिचिएको बफादार मान्छेलाई
कमजोर नठान, लाञ्छना नलगाऊ घरी घरी
अरूलाई दिएर रित्तिएको उदार मान्छेलाई ॥

२.
मेरो देश नाच्यो भने म ननाचे पनि फरक पर्दैन
मेरो देश हाँस्यो भने म नहाँसे पनि फरक पर्दैन
चाहन्छु म मेरो देश सुरक्षित र समृद्ध बनोस्
मेरो देश बाँच्यो भने म नबाँचे पनि फरक पर्दैन ॥

३.
मेरो स्वाभिमान अटल छ मलाई दिँदैन झुक्न
अझ विषम परिस्थितिमा कहिल्यै दिँदैन लुक्न
बरू छातीमा गोली थाप डलरमा नबिक् भन्छ ऊ
तर खोक्रो राष्ट्रियता फलाक्दै मलाई दिँदैन भुक्न ॥

०००
धुलाबारी, झापा