दुर्गाप्रसाद ग्वालटारेपक्का हो
सरकारलाई पिङ् पो भन्नुहुन्छ त काकी जो झड्का हालेर मच्चिन्छ पक्का हो ।
दुर्गाप्रसाद ग्वालटारे :
फूल नफूले घार रित्तिन्छ पक्का हो ।
जत्ति होस् न मह सिद्धिन्छ पक्का हो ।
किन खोज्छौ सङ्ग्ल्याउन पानी कुवाको ?
हिलोमै भ्यागुतोको प्यास मेटिन्छ पक्का हो ।
मोह छैन मलाई मर्त्यको भन्छ बहादुरे
मरेपछि न स्वर्ग देखिन्छ पक्का हो ।
सरकार लाई पिङ् पो भन्नुहुन्छ त काकी
जो झड्का हालेर मच्चिन्छ पक्का हो ।
छोरालाई धाप मार्दै भन्नुहुन्छ आमा
हेर् रात पछि दिन फर्किन्छ पक्का हो ।
०००
कौसलटार, भक्तपुर
Subscribe
Login
0 Comments
Oldest
