नेपाली हास्यव्यङ्ग्य अनलाइन पत्रिका

डा. अमर कार्की :

१.
हुन त नाता छ रगतको
तर के गर्नु छ फगतको
अझैँ दिक्क लाग्छ जब
हुन्छ हस्तक्षेप जगतको ।

२.
फूल बगैँचामा नै फुलिरहोस् न
भमरो पनि उतैतिर डुलिरहोस् न
आनन्द लाग्छ आफूलाई पनि
जब मेरो मन उतै भुलिरहोस् न ।

३.
कम्तिमा देशमा गुमनाम हुने त डर थिएन
त्यसैले विदेश बस्ने मेरो कुनै रहर थिएन
तर भविष्यको पनि त चिन्ता गर्नै पर्‍यो
के गर्नु आफ्नो देशको पनि त भर थिएन ।

४.
चिल्ला कुरा गर्ने जति राम्रा साथी
सत्य कुरा गर्ने चाहिँ चाम्रा साथी
औषधि तीतै हुन्छ तर काम लाग्छ
सधैँ यस्तै हुन्छन् कुरा हाम्रा साथी ।

५.
आफ्नो सौन्दर्यले मेरो ध्यान उतैतिर तानेपछि
नजिक त हुने नै भैयो तिमीले आफ्नो ठानेपछि
अब किन ठुस्किएको नि मैले छुन आयो भनेर
तरङ्ग उठ्दैन त अनि शान्त मनमा ढुङ्गा हानेपछि ?

०००
वेस्ट पाम बिच, फ्लोरिडा