कुमार खड्कातीन ठोक्तक
साँढालाई साक्षी राख्दै धुर्त चुन्ने माध्यम जस्तै, हार, जितनै उल्ट्याइदिने जुवाको झेल नहोस् ।
इ. कुमार खड्का :
संहिता अचार भै आयोग लाचार हुने त हैन ?
मुखले राम भज्नेले लादेको भार हुने त हैन ?
नालिमा डुब्नेकै खुट्टा कसरी सफा हुन्छ भनौं ?
कतै चुनाव स्याल चोख्याउने आधार हुने त हैन ? १
मत बदल्न नसके सामयिक सम्मती हुदैन
जनता अल्मलिए अग्रगमनको गति हुदैन
समायोजन जरुरी हुन्छ कारक र कारणको,
बिना चेतको उभारले परिवर्तन हत्पती हुदैन ।२
आसन्न निर्वाचन हिंस्रक वृत्तिको खेल नहोस्
जनताकै हुर्मत लिने षड्यन्त्रको मेल नहोस्
साँढालाई साक्षी राख्दै धुर्त चुन्ने माध्यम जस्तै,
हार, जितनै उल्ट्याइदिने जुवाको झेल नहोस् ।३
०००
आलापोट, काठमाडौं ।
धन्यवाद गुरु ! धन्यवाद फित्कौली परिवार 🙏