फित्काैली डटकमगैँडाकोट नगर प्रज्ञा पुरस्कार डा. मतिप्रसाद ढकाललाई
डा. ढकाल नेपाल संस्कृत विश्वविद्यालयका सहप्राध्यापक समेत हुनुहुन्छ । उहाँका साहित्य र अनुसन्धानमूलक गरी १८ वटा कृति प्रकाशित भइसकेका छन् । पुरस्कारकाे रकम रू. ५० हजार राशी रहेकाे छ ।
चितवन, २०८० चैत १५ । गैँडाकोट । गैँडाकोट नगर प्रज्ञा पुरस्कार डा. मतिप्रसाद ढकाललाई प्रदान गरिने भएको छ ।
गैँडाकोट नगर प्रज्ञा प्रतिष्ठानको बैठकले ५० हजार राशीको सो पुरस्कार यसवर्ष डा. ढकाललाई प्रदान गर्ने निर्णय गरेको गैँडाकोट नगर प्रज्ञा प्रतिष्ठानका सदस्य सचिव भिम शर्माले जानकारी दिनुभयो ।
विजय खबर पत्रिकाका पूर्व भाषा सम्पादक समेत रहनुभएका गैँडाकोट १ निवासी डा. ढकाल नेपाली भाषा, साहित्य र व्याकरण क्षेत्रमा अध्ययन तथा अनुसन्धानमा सक्रिय हुनुहुन्छ । डा. ढकाल नेपाल संस्कृत विश्वविद्यालयका सहप्राध्यापक समेत हुनुहुन्छ । उहाँका साहित्य र अनुसन्धानमूलक गरी १८ वटा कृति प्रकाशित भइसकेका छन् ।
डा. ढकालको भाषा, साहित्य सम्बन्धी निरन्तर खोज र अनुसन्धानबाट देशमा निकै ठूलो योगदान पुगेको ठहर गरी पुरस्कार दिने निर्णयमा पुगिएको गैँडाकोट नगर प्रज्ञा प्रतिष्ठानका उपकुलपति कवि गोविन्दराज विनोदीले जानकारी दिनुभयो ।
वैशाखमा एक विशेष कार्यक्रम गरी पुरस्कार प्रदान गरिने जनाइएको छ ।
०००
समाचार स्राेत : विजय एफएम
Subscribe
Login
0 Comments
Oldest
