फित्काैली डटकमलाेकगीत सङ्गीतका हस्ती एल. पी. जाेशीकाे निधन
रिटिङ रिटिङ नबजाउ बिनायो, वल्लाे खोलो पल्लो खोलो कमिलाकाे गाेलाे जस्ता लाेकप्रशिद्ध लोक गीतका श्रष्टा एल.पी. जाेशी अब हामी बीच रहनु भएन ।
झापा, २०८१ साउन १० ।दमकका गाैरव मानिनु हुने, नेपाली लाेकगीत सङ्गीतका हस्ती एल. पी. जाेशी निधन भएकाे छ ।
रिटिङ रिटिङ नबजाउ बिनायो, वल्लाे खोलो पल्लो खोलो कमिलाकाे गाेलाे जस्ता लाेकप्रशिद्ध लोक गीतका श्रष्टा एल.पी. जाेशी अब हामी बीच रहनु भएन । उहाँ मधुमेह रोगबाट पीडित हुनुहुन्थ्याे ।
जीवनकाे अन्तिम समयसम्म लाेकगीत सङ्गीतकाे क्षेत्रमा समर्पित स्रष्टा एल.पी. जाेशी ८८ वर्षकाे उमेरकाे हुनुहुन्थ्याे। उहाँ बिहीबार बेलुकी ८:०५ बजे अचानक बेहाेस हुनु भइ उपचारार्थ दमक अस्पताल पुर्याउँदा डाक्टरले उहाँ नरहनु भएकाे घाेषणा गरेका थिए।
जाेशीकी कान्छी बुहारी युकेबाट आएपछि आइतबार दाहसंस्कार गरिने कुरा परिवारिक स्राेतले जनाएकाे छ ।
वि. सं. २०१३ सालमा रेडियो नेपालमा पहिलो गीत रेकर्ड गराउनु भएका उहाँले २०२२ देखि २०२९ सालसम्म रेडियो नेपालमा जनकवि केशरी धर्मराज थापासँग काम गर्नुभएकाे थियाे ।
०००
Subscribe
Login
0 Comments
Oldest
