नेपाली हास्यव्यङ्ग्य अनलाइन पत्रिका

काठमाडाैं, २०८१ माघ ३ । साहित्यकार श्रीधर खनालको ९४ वर्षकाे उमेरमा बिहान पौने ३ बजे निधन भएको छ।

नमरी संसार देखिन्न (२०२०), उल्लीबिल्ली (२०३० सहलेखन), चट्याङचुटुङ (२०५७) जस्ता हास्यव्यङ्ग्य कृतिका स्रष्टा खनाल भैरव पुरस्कार (२०५०), वासुदेव लुइँटेल पुरस्कार (२०५७) द्वारा सम्मानित हुनुभएकाे थियाे ।

१९८८ मङ्सिर ३ त्रिपुरेश्वर, काठमाडौंमा जन्मिनु भएका खनालका २० को दशकमा दीर्घवाहु उपनामबाट प्रकाशित शब्दभेदी लडाई, मुर्कुट्टा लाश, मेजरको सर्प, बिखालु इच्छापत्र, छ औंले मान्छे, बाह्र बजेको घण्टी, पानको गुलाम,नाङ्गिएकी सुन्दरी जस्ता जासुसी उपन्यास कृति लोकप्रिय थिए ।

तीसको दशकमा रमेशनाथ पाण्डेद्वारा सम्पादित तथा प्रकाशित ‘नयाँ सन्देश’ पत्रिकाको अन्तिम पृष्ठमा विश्वामित्र नामबाट यौनप्रधान आख्यान लेखेर श्रीधर खनालले युवाहरूको मन जितेको कुरा पनि कसैले बिर्सेका छैनन् ।

सकुञ्जेल ८४ वर्षको उमेरसम्म मोटरसाइकलमा हुँइकिन सक्ने खनाल अचानक देखिन छोड्नु भएपछि खोजतलास गरेर केही महिनाअघि ‘शब्दपथ खोजतलास’ मा उहाँबारे जानकारी दिइएको थियो।

दृष्टिविहिनहरूका लागि पुन: दृष्टि दान गर्नु भएका खनालले आँखाको उहाँकाे निधनपश्चात् नेपाल आँखा बैंकले उहाँको आँखाको निकालेकाे छ ।

पारिवारिक श्रोतको अनुसार उहाँको पार्थिव शरीरको आजै पशुपति आर्यघाटमा अन्त्येष्टि गरियाे ।

०००
शब्दपथकाे समाचार सामग्रीकाे सहयाेगमा