नेपाली हास्यव्यङ्ग्य अनलाइन पत्रिका

काठमाडाैं, २०८१ माघ १९ । अनुपम सिर्जना प्रतिष्ठान नेपाल कलङ्कीको १४४ औँ मासिक प्रविधिमैत्री स्वतन्त्र तथा शहीद विशेष कविगोष्ठी संस्थाका अध्यक्ष भुवनहरि सिग्देलको अध्यक्षतामा सम्पन्न भयाे ।

प्रमुख आमन्त्रित दुर्गाप्रसाद सिग्देल विशिष्ट अतिथि डा. बमबहादुर थापा जिताली, गणेश आत्रेय, हरि खनाल, गणेश अत्रेय, गङ्गा लिगल, द्वारिका कुइकेलकाे गरिमामय उपस्थिति रहेकाे थियाे ।

उपत्याकाको पश्चिम भेकमा रहेको साहित्यिक संस्थाको कविगोष्ठीमा कविता, मुक्तक, सुसेली, चारु, स्वच्छन्द, छन्द रोचक ढङ्गबाट कविहरूले वाचन गरे । सिर्जना देश भक्ति भावले भरिएका जनचेतना मूलक तथा सामाजिक विकृति बिरुद्ध प्रहार गरिएका तथा लेखनाथमा समर्पित रचना वाचन गरेका थिए । अधिकांश रचना शहीदका वारेमा केन्द्रित थिए, शहीदकै बलिदानीले नेपाली स्वतन्त्र भएकाे भाव व्यक्त गरिएकाे थियाे ।

यस अवसरमा रचना वाचन गर्ने कविहरू दुर्गाप्रसाद सिग्देल- शार्दूलविक्रीडित- बन्ला सुमार्गी नर, भुवनहरि सिग्देल- पञ्चचामर-बँदेल र अमेरिका, डा. बमबहादुर थापा जिताली- सवाई-शहीद कसो भन्थ्ये, गणेश आत्रेय- द्रुतविलम्वित-शहीद, हरि खनाल- शहीद, गङ्गा लिगल- मुक्तक, लक्ष्मीप्रसाद मिश्र- सवाई- शहीद, द्वारिका कुइँकेल- असारे झ्याँउरे- सीमा बेथा, हरिप्रसाद घिमिरे-पञ्चचामर- सम्भावना, हरिप्रसाद चौलागाईं- कता गयो कता गयो, सुशीलकुमार रिजाल-मन्दाक्रान्ता- जिन्दगी, जगदीश्वर पोखरेल-हारिणी- सत्त नशाले खियो, उत्तम भेटुवाल- मन्दाक्रान्ता- जिन्दगी, बिनुबाबा घिमिरे- चारु- हजार, सुरेशचन्द्र घिमिरे -सुशेली र टेकबहादुर लौडारी-उपेन्द्रवज्रा- शहीद, हुनु हुन्थ्यो ।

प्रमुख आमन्त्रित दुर्गाप्रसाद सिग्देलले अनुपम सिर्जना प्रतिष्ठानले भाषा साहित्यको सेवा गर्दै आएको, सर्जकहरूलाई रचना वाचन गर्ने अवसर प्रदान गरेको छ, छन्दको संरक्षण गरेको छ भन्नु हुँदै शहीदले गरेको योगदानको चर्चा गर्नुभयो । समसमयिक अत्यन्त मिठा सिर्जना श्रवण गर्न पाउदा सर्जक मुग्ध भए भन्नु भयो । अभ्यास जति गर्न सक्यो उति सिर्जना माझिदै जान्छन् भन्नु भयो । प्रविधिमैत्री कविगोष्ठी निरन्तर गरिरहेको छ भन्नु भयो ।

विशिष्ट अतिथि डा. बमबहादुर थापा जिताली प्रमुख अथिथिको कविताको समीक्षा गर्नुभएको थियो । उपाध्यक्ष जगदीश्वर पोखरेलले संस्थाको गतिविधिको वारेमा मन्तव्य राख्नु भयो र स्वागत गर्नु भयो ।

कविगोष्ठीको संयोजन कुशल शैलीमा गर्नुभएको थियो । सहभागी सम्पूर्ण सर्जकले शहीदकै वारेमा रचना सुनाए ।

सभाध्यक्ष भुवनहरि सिग्देलज्यूले छन्द अभ्यास गर्ने कविले लय र तालमा रचना गर्न सिक्नुपर्दछ । कविता टेडो हुनु पर्दछ । कविता पढेर पाठक झस्किनुपर्दछ भन्नुभयो । छन्द सवा दुईकरोड छन् । आज वाचित कविता गुणस्तरका थिए । कविगोष्ठी गरिमामय भयो । सभ्य,भव्य र नव्य भयो । नेपाली भाषा बिगार्न कसैले हुँदैन भन्नु भयो । गोष्ठी सफल बनाइ दिनु भएकोमा सबै सर्जकलाई धन्यवाद दिनु हुँदै गोष्ठी समापन गर्नु भएको थियो ।

०००
– जगदीश्वर पाेखरेलकाे साैजन्यमा