नेपाली हास्यव्यङ्ग्य अनलाइन पत्रिका

काठमाडाैं, २०८२ साउन २ । ‎मञ्जुश्री साहित्य समाजको ८० अ‍ौं रचनावाचन शृङ्खला प्रविधि माध्यमबाट सम्पन्न भएको छ ।

मञ्जुश्रीका अध्यक्ष डा. बमबहादुर थापा जितालीको अध्यक्षता, जनकविकेशरी धर्मराज थापाका सुपुत्र मदनराज थापाकोको प्रमुख आतिथ्य र वीरबहादुर लोहनीको सञ्चालनमा सम्पन्न यो कार्यक्रममा कविवर पुरुषोत्तम सिग्देल,आनन्द अधिकारी र जगदीश्वर पोखरेलको विशेष उपस्थिति रहेको थियो ।

कार्यक्रममाप्रमुख आमन्त्रित मदनराज थापाले कवितामा विषयवस्तुको प्रस्तुतिलाई शिल्प र लालित्यले प्रभावकारी बनाउँछन्,आज मैंले जति सुनेका कविता छन्, तिनले कविताको क्षेत्रमा परिष्कार हुँदै गएको पाएँ भन्दै आफ्नो मुक्तलयको एउटा कविता वाचन गर्नुभयो ।

कार्यक्रममा वाचित रचनाहरूको संक्षिप्त टिप्पणी खोलाघरे साहिंलाले गर्नुभएको थियो । सहभागी कविगणले निम्न क्रमानुसार रचना पाठ गर्नुभएको थियो-

‎१.बालकृष्ण सुवेदी,अनुष्टुप् छन्दमा । ‎२. दुर्गाप्रसाद सिग्देल -” हिजोआज” लोकलयमा । ‎३.खोलाघरे साहिंलो -“लुते साँझका सन्दर्भमा ” स्रग्धरामा । ‎४.गङ्गा लिगल-“देशको माटो” आद्यकविता र चारवटा मुक्तक । ‎५.आनन्द अधिकारी -“अपूर्ण साधना” मुक्त लयमा ।
‎६.द्वारिका चौंलागाईं- “अव्यक्त सत्य”सम्वाद शैली र लोकलयमा । ‎७.पुरुषोत्तम सिग्देल -“फाल्न जुटौं दुवै लुतो” इन्द्रवंशामा । ‎८.हरि खनाल-” “मञ्जुला छन्दमा ‎९.टेकबहादुर लौडारी-“प्रकृतिमा कविहरू” लोकलयमा ।

त्यसैगरी, ‎१०.पूर्णदेवी न्यौपाने- “हे निद्रा” शार्दूलविक्रीडितमा । ‎११.मदनराज थापा- “उसको तस्वीर” मुक्त लयमा । ‎१२.चन्द्रा न्यौपाने-“लुते सुसेलीहरू ३ र कविवर धर्मराज थापासँग सम्बन्धित ५ वटा सुसेलीहरू । ‎१३.कल्पना भट्टराई -“छन्द” पञ्चचामर छन्दमा । ‎१४.दुर्गा अधिकारी भँमरकोटे- साउन शिवको महिना, शिवजीसँग सम्बन्धित सुसेलीहरू । ‎१५.वीरहादुर लोहनी -“देशको माया” लोकलयमा ।
‎१६.जगदीश्वर पोखरेल-“सुके लुतो” उपजाति छन्दमा । ‎१७.द्वारिका कुइँकेल-” भानु” स्वतन्त्र छन्द । ‎१८. डा. बमबहादुर थापा जिताली-“म देश खोजिरहेछु” उपजाति छन्दमा । ‎१९. गुप्तबहादुर श्रेष्ठ -सभ्य श्रोता ।

‎कार्यक्रममा सहभागी सबै कविगण, प्रमुख आमन्त्रित मदनराज थापा, विशेष व्यक्तित्वहरूमा हार्दिक धन्यवाद दिंदै अध्यक्षले यो प्रविधिमैत्री कार्यक्रम समापन भएको घोषणा गर्नुभयो ।

०००
खाेलाघरे साहिँलाेकाे साैजन्यमा