नेपाली हास्यव्यङ्ग्य अनलाइन पत्रिका

पं. हरिप्रसाद शर्मा र टोलकुमारी शर्माका सुपुत्रका रुपमा स्याङ्जाको वालिङमा जन्मेका वि.सं. १९८९ जन्मेका भेषजराज शर्मा कीर्तिशेष हास्यव्यङ्ग्य स्रष्टा हुन् । स्याङ्जाको शैक्षिक, राजनीतिक र साहित्यिक क्षेत्रमा महत्वपूर्ण योगदान पुर्याउने शर्माको २०५९ सालमा देहान्त भएको हो । ‘आत्मप्रकाश’ (२०४५), ‘लालसलाम’ (२०५०), ‘आँधीखोलाको बगर’ (२०६२), ‘भेषजराज शर्माका कथाहरू’ (२०६४) शर्माका प्रकाशित कृति हुन् । २०७२ मा उनको हास्यव्यङ्ग्य निबन्ध कृति ‘नारदमुनिको वालिङ यात्रा’ प्रकाशित भएको छ । यस कृतिमा ११ ओटा निबन्ध सङ्कलित छन् । यी निबन्धहरू २०१४ सालदेखि २०५८ सालभित्रको अवधिमा लेखिएका हुन् ।