नेपाली हास्यव्यङ्ग्य अनलाइन पत्रिका

ताप्लेजुङमा २०१६ कार्तिक २२ गते जन्मिनुभएका भरतकुमार भट्टराई हाल धापाखेल, ललितपुर बस्नुहुन्छ । नेपाली विषयमा विद्यावारिधि प्राप्त गर्नुभएका भट्टराई प्राध्यापन सेवामा सम्बद्ध हुनुहुन्छ । ‘त्यो गाउँ’ (२०४२) शीर्षकको कविता लेखेर र छापेर साहित्यमा प्रवेश गर्नुभएका भट्टराई पाठ्यपुस्तक लेखन तथा सम्पादनमा संलग्न हुनुहुन्छ । भट्टराईका ‘हास्यव्यङ्ग्य सिद्धान्त’ (२०५७) , हास्यव्यङ्ग्यकार विश्व शाक्य (२०६४), हास्यव्यङ्ग्यमाथिका समालोचना (२०७३), नेपाली हास्यव्यङ्ग्य निबन्धको सर्वेक्षण (२०७३) लगायत तीन दर्जन बढी समालाेचना कृतिहरू प्रकाशित छन् । ‘नेपाल विद्याभूषण क’ (स्वणर्पदक), ‘जुही हास्यव्यङ्ग्य सम्मान’ (२०६२) तथा ‘दीर्घ सेवा पदक’ त्रिवि (२०८०), ज्योति साहित्य सम्मान (२०८०) लगायतका पुरस्कार तथा सम्मानबाट पुरस्कृत तथा सम्मानित हुनुहुन्छ ।