नेपाली हास्यव्यङ्ग्य अनलाइन पत्रिका

डा. भरतकुमार भट्टराई :

ए गोबरका थास
के गर्नु तिम्रो आस
पार्छौ सधैँ हतास

देशलाई बनायौ ‘डम्पिङ साइट’
दिनरात छ तिमीहरूको ‘फाइट’
युवाहरू गर्न तयार अहो ‘सुसाइड’
समाज त बनायौ नि ‘क्रुसिफाइड’
ए गोबरका थास
के गर्नु तिम्रो आस
पार्छौ सधैँ बित्याँस

रुवाएर धुरुधुरु आमाको मुटुलाई
सताएर तुरुतुरु जनताको वक्षलाई
मृत्युको खेला ठानिरहेछौ सत्तालाई
दिनरात झेला गर्दछौ जत्था लगाई
ए गोबरका थास
के गर्नु तिम्रो आस
पार्छौ सधैँ निराश  ।

०००
२०८२/४/२३
कीर्तिपुर