नेपाली हास्यव्यङ्ग्य अनलाइन पत्रिका

छायादेवी र चन्द्रशेखर उपाध्याय चालिसेका सुपुत्र रामेश्वर शर्मा चालिसेको जन्म १९८५ कात्तिक २९ गते आरुबारी, काठमाडौंमा भएको थियो । ‘रमेश विकल’ उपनामले चिनिएका चालिसेको प्रकाशित पहिलो रचना ‘गरिब’ शीर्षकको कथा ‘शारदा’ पत्रिकामा २००६ आएको थियो । कथा, निबन्ध, नियात्रा, उपन्यास विधामा कलम चलाउने विकलका ‘विरानो देशमा’(२०१६), ‘नयाँ सडकको गीत’ (२०१९), ‘सुनौली’ (२०३३), ‘सात सूर्य एक फन्को’ (२०३४), ‘भैँसी र मुरी चामलको कथा’ (चित्रकथा, नाटक, २०५७) लगायत २ दर्जन कृतिहरू प्रकाशित छन् । विकल ‘मदन पुरस्कार, २०१८’, ‘महेन्द्र प्रज्ञा पुरस्कार, २०३८’ ‘साझा परस्कार, २०५०’ लगायत थुप्रै पुरस्कारबाट पुरस्कृत स्रष्टा हुन् । ‘अझ अगाडि बढ्नु छ...’ हास्यव्यङ्ग्य कृति (२०५०) का स्रष्टा विकलकाे देहान्त २०६५ साल पुस २ गते भएकाे थियाे ।