कलानिधि दाहालबुबा हुन् धराका सुनौला निसान !
न खोज्ने प्रशंसा न खोज्ने सिरान बुबा हुन् धराका सुनौला निसान !! न आसा न लिप्सा न केही निरासा अविच्छिन्न यात्रा उनी नै भरोसा ! उनी एक खम्बा उषाका उडान बुबा हुन् धराका सुनौला निसान !!
यता धार नौला भई शक्तिशाली
जमेका सबै छन् धराका प्रणाली !
तिनै धान्नलाई लिई स्वाभिमान
बुबा हुन् धराका सुनौला निसान !!
परे जाइ लाग्ने अझै दुष्टमाथि
भए कोमलाकारका भव्य साथी !
यिनै छन् अनौठा गराका किसान
बुबा हुन् धराका सुनौला निसान !!
खनी खोस्रिँदै मृत्तिकासाथ लड्ने
सँगै साथ गाई र भैंसी सुमर्ने!
दुही दूध मथ्ने दहीका किसान
बुबा हुन् धराका सुनौला निसान !!
लिई काख छोरा र छोरी समाली
बगैँचा सबैका यिनी भव्य माली !
सबै साथ सन्तानका यी बिहान
बुबा हुन् धराका सुनौला निसान !!
परी पार आए उता युध्द लड्ने
समस्या सबै सामु दौडेर बढ्ने !
बसी पढ्न पाए यिनै पाठपान
बुबा हुन् धराका सुनौला निसान !!
अरे, बाबुजस्तो छ को यो पलामा
न हुन् बाबु हुन्नन् कुनै क्वै थलामा !
न खोज्ने प्रशंसा न खोज्ने सिरान
बुबा हुन् धराका सुनौला निसान !!
न आसा न लिप्सा न केही निरासा
अविच्छिन्न यात्रा उनी नै भरोसा !
उनी एक खम्बा उषाका उडान
बुबा हुन् धराका सुनौला निसान !!
०००
कलेकुटी, काठमाडौं
Subscribe
Login
0 Comments
Oldest
