नेपाली हास्यव्यङ्ग्य अनलाइन पत्रिका

तिमीले नोट लिएर भोट दिँदा
धनी बन्छु भनेको हौला
के म छु र, त्यस्तो बौला ?
अब ग्यास, तेल, दाल किनेर हेर न
बजार भाउ बुज्दा पनि तनाव हुन्छ
नुन तेल किन्दा पनि
तिम्रो हालत पहिलेको भन्दा खराव हुन्छ
हामी त ब्यापारी न हौं
एक हात दिन्छाैं दश हातले लुट्छौं
त्यत्रो पैसो खर्चेर त्यसै कहाँ छोड्छौ ?

अर्को चुनाव आए फेरि भोट किन्छौं
त्यसको दुई गुणा यसरी नै लिन्छौं
अब त चुनाव पनि सकियो
न हारिने डर, न जनता टारिने डर
न आन्दोलन गरेर चुनाव सारिने डर

बजार भाउ त अझै मस्तले बढाउने हो
जनतालाई झन झन गरिव बनाउने हो
हामीलाई गरिब जनता चाहिन्छ
गरिब जनतालाई नोट चाहिन्छ
धनीसित भोट किन्न कहाँ पाइन्छ ?

अब त ग्यास, तेलमा मात्र हैन
हरेक मालमा मस्तले भाउ ठोक्ने हो
हामीलाई त के फरक पर्छ र ?
टोके जिब्रो जनताले टोक्ने हो ।

काठमाडौं