नेपाली हास्यव्यङ्ग्य अनलाइन पत्रिका

कपाल चारैतिर चट्ट काटी

पानी लगाई सब त्यो तलासी

ऐना लिई आँ गरी ओठ दाँत

जिभ्रो गिजा जाँचि पुछेर हात

जुँगा मुसारी मुखमा चुरोट

च्यापी डटेको नकटो छ कोट

मोजा कलेजी सुरूवाल सेतो

कमीज नीलो पटुका पहेंलो

चस्मा हरियो गलेबन्द जाली

जुत्तामहाँ खुब् टल्कन्छ काली

टोप्रेलको टोपी ढलक्क ढाली

रूमाल रातो मुखमा छ लाली

ठाडो शिकारी खुकुरी भिरेर

छड्के टिको लाइ पिठो घसेर

कर्क्याइ अँखा मुखमा सुपारी

चपाउँदै रङ्ग परेर भारी

गालामहाँ चट्ट लगाइ हात

थर्काउँछन् मण्डली भै समाज

यस्तो मजाको नकली मयूर

अहा !! बनूँ है म पनि हजूर !

(‘शारदा’ वर्ष ८, अङ्क १, सं. १९९९ बैशाख)