नेपाली हास्यव्यङ्ग्य अनलाइन पत्रिका

नेपाली रुख हुँ
हिजोको
बीपी म
सुवणर्, गणेशमान, किशुन,
निधि, योगेन्द्रमान म
साउँ समेत दिन्थें
आज
रुख रहेन रुख
हिजोको ढकमक्क रुख
चौतारी हुन्थ्यो
फलफूल कति
बटुवा सबैको छहारी
जो जता रुखको खोजीमा
त्यो त हिजोको कुरा
भने होलान्- रुखले सेप लाग्यो
काटे होलान्
केही हाँगा
तर आज
मनीका लागि
मस्सलले
म्यानिपुलेशन गरेर
गरेनन् के
दक्षिणी हावा बेजोड छ
छैन कम हावा पश्चिमको
किन उत्तरको हावा नचलेको
हो, मेरो इतिहास लामो
त्याग, सेवा लामो,
तर आज फर्केर हेर्छु
म नाङ्गो बनें
अरु बने चङ्गा
लट्टाइ अर्कोतिर तान्ने
रहेन प्राकृतिक श्रोत केही
विकासका नाममा
कमाउने सबै
जंगल सूर्यबहादुरले मासे
उनको छोरा पार्टीमा आयो
अमेरिके ऊ होइन
विकास नाम
काम कमाउ
हेर त म
गिंड्दा गिंड्दा के बनाए गति !
उफ्
म/रुख तस्करको
म/रुख ठेकेदारको
पाँडे पजनीको
कमाउ धन्दा
हुँदाहुँदै लुटको
अब विकासबाट
हुने नेपाली रुख म
विकास, परिवर्तन म
बाटो केही, बस केही, काम केही,
दाम धेरै
नेतालाई त छँदैछ
कार्यकर्तालाई पनि
को भन्दा कम को ?
यसो भन्दै म हाल भएको हिजो
गिरिजाले के गर्यो
रहिनं सिङ्गो रुख
भएं बेहाल
आखिर गठबन्धन त हो !

काठमाडौं