डा. बमबहादुर जितालीपीडाको पहाड
समस्याको पहाडले किचिएको मुटु महँगीले थिचिएर खान्छ कुटु-कुटु ।
समस्याको पहाडले किचिएको मुटु
महँगीले थिचिएर खान्छ कुटु-कुटु ।
जनचिन्ता हटाउने मनु देखिएन
व्यङ्ग्यवाण चलाउने धनु भेटिएन ।
जनसेवा गर्न सक्ने स्रष्टा पाइएन
धनसेवा गर्न खोज्ने द्रष्टा चाहिएन
निकट र सन्निकट टिकटमा मिल्छन्
विकटमा बस्नेलाई सङ्कटमा निल्छन् ।
राहतको बदलामा आहतको काँटी
जितालीको बदलामा हारालीको ताँती ।
असी अङ्क प्राप्त गर्ने पाखा परेका छन्
बीस अङ्क ल्याउने पो काखा सरेका छन् ।
समस्याको पहाडले किचिएको मुटु
महँगीले थिचिएर खान्छ कुटु-कुटु ।
रानीबारी, काठमाडौं
Subscribe
Login
0 Comments
Oldest
