सत्ता

गठबन्धनको डोरी कसेर सत्ता पोको पार्दै पार्टी एकबाट अर्कोमा सार्दै अध्यक्ष नयाँ अर्जुन दृष्टि उही सत्तामा अजीव छ यो सत्ता ।

फुटबल खेल जस्तै
जनातालाई
घरि लात्तिले
घरि हेडिङले हान्दै
गोलको खुशी दिन्छु भन्दै
खेल्दै छन् नेता
सत्ताको खेल
निष्ठा हरायो
ईमान्दारिता हरायो
त्याग हरायो
पैसाको राजनीति
पैसाको कुटनीति
पैसाको गुटनीति
पैसाको छुटनीति
फुटनीति
भुटनीति
लुटनीति
झुटनीतिले
चुनाबी बाक्साबाट
फुत्त निस्केर
ह्वात्त कुर्सिमा
हामफाल्दै
मान्छे तान्ने चुम्बक
जडान गर्दै
निलिरहेछन् भत्ता
चुनाब जित्यो
चार वर्ष बेपत्ता
तैपनि चलाईरहेछ सत्ता
जे छ कुर्सिमा छ
जे जसरी गर कुर्सि बचाउ
सानो रोग लाग्यो
विदेशमा जँचाऊ
योजना कार्यान्वयन बिना
फाईल सदर गरी पचाऊ
सत्ता ?
प्रश्नै प्रश्नको डिक्स्नेरी
उत्तर कतै न भेटिने
गठबन्धनको डोरी
कसेर
सत्ता पोको पार्दै
पार्टी एकबाट
अर्कोमा सार्दै
अध्यक्ष नयाँ
अर्जुन दृष्टि
उही सत्तामा
अजीव छ
यो सत्ता ।