अर्जुन पराजुलीनेता महोदय !
तिमी सच्चिनू- आफूले काटेका आफ्ना खुट्टामा नरिवलको तेल लाएर बस्नू ! तिमी सच्चिनू- आफूले शहीद बन्न पठाएका शहीदका सालिकमुनि पुर्पुरो समाएर बस्नू !!
नेता महोदय !
तिमी सच्चिनू-
आँगनमा नाति-नातिना खेलाएर बस्नू !
तिमी सच्चिनू-
लिभिङ-रुममा तरकारी केलाएर बस्नू !
तिमी सच्चिनू-
बार्दलीमा ‘सीताराम’ गाएर बस्नू !
तिमी सच्चिनू-
कपालको बोटमा जेल लाएर बस्नू !
तिमी सच्चिनू-
घाममा ढाड सेकाउँदै वृद्धभत्ता खाएर बस्नू !
तिमी सच्चिनू-
छोराछोरीले
अमेरिकाबाट पठाएको मोबाइल समाएर बस्नू !
तिमी सच्चिनू-
आफूले काटेका आफ्ना खुट्टामा
नरिवलको तेल लाएर बस्नू !
तिमी सच्चिनू-
आफूले शहीद बन्न पठाएका शहीदका सालिकमुनि
पुर्पुरो समाएर बस्नू !!
०००
सितलपाखा, कीर्तिपुर
Subscribe
Login
0 Comments
Oldest
