गङ्गा अभिलाषीपाँच टुक्रा कविता
बल्ड्याङ् ख्वाउदाँ हाँस्नुकाे मज्जा आफ्नै रहेछ अरू भन्दा म बाठ्ठाे भए पनि तीन बल्ड्याङ लडेपछि बल्ड्याङ् खाँदै बाँच्नुकाे तिक्तता आफ्नै रहेछ ।
गंगा अभिलाषी :
१
बल्ड्याङ् खानु हाम्राे धर्म भएछ
यी कुरा हाम्रा लागि सभ्यता र संस्कृति बनेर हाेला
बल्ड्याङ् खानु हाम्राे कर्म भएछ ।
२
बल्ड्याङ्गै हामी लडेछाैं
आएन हाेस् जति ठक्कर खाए पनि
नियतिकै खेल भनेछाैं ।
३
नेपाली बल्ड्याङ् खादै बाँचेछाैं
वर्षाैं देखि यै रिति र परम्परा चलेर हाेला
हामीहरू बल्ड्याङ् खादा हाँसेछाैं ।
४
बल्ड्याङ् ख्वाउनु हाम्राे सभ्यता भएछ
यहाँ अरूलाई थेचार्ने र पछार्नेकाे ओईराे लागेर हाेला
बल्ड्याङ् ख्वाउनु हाम्राे परम्परा भएछ .
५
बल्ड्याङ् ख्वाउदाँ हाँस्नुकाे मज्जा आफ्नै रहेछ
अरू भन्दा म बाठ्ठाे भए पनि तीन बल्ड्याङ लडेपछि
बल्ड्याङ् खाँदै बाँच्नुकाे तिक्तता आफ्नै रहेछ ।
०००
Subscribe
Login
0 Comments
Oldest
